Լինելով Հայաստանի առաջատար շինարարական կազմակերպություններից` «Երևանշին» ընկերությունն ինքնատիպ է իր կառավարման համակարգով և իր հաճախորդներին (պատվիրատուներին) առաջարկվող լուծումներով:

Հիմնադրվելով 1980թ., ընկերությունն այժմ ընդգրկում է մի քանի բիզնես միավորներ` շինարարությունից և արտադրությունից մինչև բիզնես լուծումների սահմանում, ինժեներիայի և կառավարման ոլորտում գիտահետազոտական գործունեության իրականացում:

2003թ. ընկերությունը արժանացել է ISO9001:2008 միջազգային ստանդարտի վկայականի GLOBALE-ի կողմից միջազգային որակ ապահովելու համար:

Շնորհիվ իր փորձառության, տեխնիկական հագեցվածության, այն է` քարի և ավազի հանքեր, բետոնի, մետաղական կոսնտրուկցիաների պատրաստման, քարի մշակման, հայելու պատրաստման, ապակե փաթեթների, երկաթե, փայտե, ալյումինե և մետաղապլաստե դռների, պատուհանների, տարբեր չափի և ձևի միջնորմային բլոկների, բետոնե ձևավոր սալերի, եզրաքարերի պատրաստման արտադրամասեր, ցանկացած տիպի շենքերի, շինությունների տաք և սառը ջրամատակարարման ցանցերի, էլեկտրամոտաժային և սանտեխնիկական աշխատանքների տեղամասեր, ընկերությունը իրականացնում է ցանկացած նախագիծ` շինարարություն և մանտաժում, ինչպես նաև ուժեղացման-վերակագնողական աշխատանքներ:

Արտադրատեխնիկական մասնաճյուղերի, ինչպես նաև փորձարարական լաբարատորիաների լավ համակարգված աշխատանքները երաշխավորում են արդյունավետություն և բարձր որակ ընկերության գործունեության բոլոր բնագավառներում:

Ընկերության առավել նշանակալի ծրագրերն են` Երևանի Սբ. Գրիգոր Լուսավորիչ եկեղեցու կառուցումը, Ալ. Սպենդիարյանի անվ. օպերայի և բալետի պետական ակադեմիական թատրոնի, Ա. Խաչատրյանի անվ. մեծ համերգասրահի, Կոմիտասի անվ. կամերային երաժշտության տան, Հանրապետության հրապարակի հիմնանորոգման բազմաբնույթ և իրենց կատարման տեսակետից բարդ ու եզակի շինարարական-վերականգնողական համալիր աշխատանքները:

Այժմ ընկերությունը ֆրանսիական «Ֆարմեքս Թեքնոլոջիս» ընկերության հայաստանյան մասնաճյուղի հետ համատեղ արդյունավետ կերպով համագործակցում է «Հազարամյակի մարտահրավեր հիմնադրամ-Հայաստան»-ի հետ` իրականացնելով հանրապետության 17 պոմպակայանների և երրորդ կարգի ջրանցքների վերականգնման աշխատանքները:

«Երևանշին» ըներությունը հաջող կերպով շարունակում է իր գործունեությունը նոր ներդրումային ծրագրերի հետազոտման և զարգացման ուղղությամբ և մնում է հավատարիմ իր առաքելությանը` ապահովելով որակ, երաշխիք և կայունություն իր հաճախորդների և շահառուների համար: